UNTV News and Rescue

Naninigurado lamang umano ang International Criminal Court  (ICC) sa patuloy na pangangalap ng ebidensya sa kaso ni former President Rodrigo Duterte.

Ito ang inihayag ng Assistant to Counsel sa kasong nakasampa sa ICC sa gitna ng patuloy na imbestigasyon ng International Tribunal.

May rekomendasyon na ang National Police Commission (NAPOLCOM) na tanggalin sa serbisyo si dating Criminal Investigation and Detection Group o CIDG Chief BGen. Romeo Macapaz dahil sa umano’y pamemeke ng ebidensya sa kaso ng missing sabungeros.

11 pang pulis na sangkot sa kaso ang tuluyan nang tinanggal sa serbisyo.

May panibagong kaso na isinampa sa korte ng Office of the Ombudsman kaugnay ng flood control scandal.

Sa pagkakataong ito, isang dating senador ang kabilang sa mga kinasuhan.

Malapit nang matapos ang trabaho ng Independent Commission for Infrastructure. Ito ang pahayag ni Pangulong Ferdinand Marcos Jr. nang tanungin tungkol sa isyu ng posibleng pagbuwag sa ICI.

Ayon sa Pangulo, nakasalalay sa mga natitira pang gawain ang magiging kapalaran ng independent body. Wala rin umanong katiyakan kung magtatalaga pa ng kapalit sa mga nagbitiw na commissioner nito.

May panibagong warrant of arrest laban sa negosyanteng si Charlie Atong Ang na inilabas ng isang korte sa Batangas.

Kaugnay pa rin ito ng mga kasong kinakaharap niya sa isyu ng mga nawawalang sabungero.

Inaabangan na rin ng Department of Justice ang paglalabas ng mga arrest warrant mula sa iba pang korte.