UNTV News and Rescue

Binubuo na Department of Public Works and Highways (DPWH) ang disenyo at plano kaugnay sa rehabilitasyon ng C-5 road. Isa ang C-5 road sa prayoridad ng DPWH na ayusin ngayong 2026, kung saan ayon kay Secretary Dizon, 1st quarter ng taon ang target nilang pagsisimula sa rehabilitasyon ng nasabing kalsada.

‍

Matapos masagip sa encounter sa Abra de Ilog, Occidental Mindoro noong January 8, unti-unti nang gumagaling si US citizen Chantal Anicoche sa military hospital sa loob ng kampo sa Tanay, Rizal. Subalit ayon sa Migrante International Chair, walang legal na batayan ang pananatili niya sa kampo ng militar.

‍

Nagbabala na ang Philippine National Police - Highway Patrol Group sa mga may hawak ng iba pang luxury cars na sinasabing pag-aari ng mga kumpanya na konektado kay dating Ako Bicol Rep. Zaldy Co.

Sinabi ni Senate Blue Ribbon Chair Sen. Panfilo 'Ping' Lacson na posibleng maparusahan ang pagbawi ng salaysay o recantation. Ito ay matapos lumutang ang isyu na binawi ni dating Department of Public Works and Highways District Engineer Henry Alcantara ang kanyang naunang salaysay na isinumite sa Department of Justice (DOJ).

Tatayong testigo si Department of Public Works and Highways Sec. Vince Dizon sa karamihan ng mga kaso ng flood control scandal. Sa kasalukuyan, dalawang batch ng mga kaso ang nakasampa sa korte.

‍