%201.svg){kind=logo}
Emergency Hotline:
(+63) 2 911 – 8688
Dinaluhan ni Pangulong Ferdinand Marcos Jr. ang ika-129 na anibersaryo ng Philippine Army ngayong araw.
Sa okasyon, ibinilin ng Pangulo ang patuloy na pagpapalakas ng hukbong katihan sa kakayahan nito at pagsusulong ng kapayapaan sa bansa.
Naparalisa ang ilang ruta sa bansa dahil sa transport strike ngayong araw, ayon sa grupong PISTON.
Gayunpaman, ilang tsuper ng pampasaherong jeepney ang patuloy pa ring bumiyahe sa kabila ng nationwide transport strike.
Sasampahan ng administratibo at kriminal na reklamo ang 45 dati at kasalukuyang opisyal ng Bureau of Fire Protection kaugnay ng anomalya sa pagbili ng fire trucks mula 2018 hanggang 2024.
Ayon kay Secretary Jonvic Remulla, nagsimula ang imbestigasyon matapos siyang alukin ng P1.5-M sa bawat fire truck na bibilhin.
Idineklara ng Qatar bilang persona non grata ang lahat ng military at security attachés ng Iranian Embassy sa Doha at ang kanilang staff, at binigyan sila ng 24 oras para lisanin ang bansa.
Inilatag na ng prosecution ang natitirang listahan ng mga testigo laban sa mga kapwa akusado ni dating Cong. Zaldy Co.
Kabilang dito si state witness Henry Alcantara, na unang naglantad ng umano’y anomalya at kickback sa mga flood control project ng pamahalaan.
