UNTV News and Rescue

Pormal nang naghain ng reklamo ang ilang residente sa isang barangay sa Quezon City laban sa umano’y iligal na pag-iimbak ng krudo sa isang residential lot. Inirereklamo ang posibleng panganib na dulot nito sa komunidad.

Hinihintay naman ng Quezon City Police District ang may-ari na magsumite ng kaukulang permit para sa pag-iimbak ng langis.

‍

Hindi muna maglalabas ng satellite images ng mga lugar ng conflict sa Middle East ang kumpanyang Planet Labs. Ayon sa California-based satellite imaging firm, ang desisyon ay alinsunod sa kahilingan ng U.S. government.

Dagdag ng kumpanya, maglalabas lamang sila ng mga imahe kung ito ay urgent o kinakailangan para sa interes ng publiko.

‍

Seryoso ang Office of the Ombudsman sa paghahanda ng kasong plunder laban kina dating House Speaker Martin Romualdez at dating Senate President Chiz Escudero.

Ayon sa Ombudsman, may indikasyon ng sabwatan ang dalawang dating lider ng Kongreso sa pag-apruba ng mga nakaraang budget ng pamahalaan, partikular sa isyung may kaugnayan sa umano’y flood control corruption scandal.

‍

Muli na namang naglabas ng deadline si US President Donald Trump laban sa Iran kaugnay ng tensyon sa Strait of Hormuz.

Ayon sa Pangulo, kung hindi susunod ang Iran, pupuntiryahin nito ang mga plantang pang-enerhiya at mga tulay sa bansa.

Sagot naman ng Iran, sila ang magdedesisyon kung ano ang magiging kahihinatnan ng giyera.

‍

May nabuo nang rekomendasyon ang Development Budget Coordination Committee (DBCC) para kay Pangulong Ferdinand Marcos Jr. kaugnay ng mga hakbang na maaaring gawin ng pamahalaan sa gitna ng patuloy na pagtaas ng presyo ng produktong petrolyo, kabilang ang posibleng suspensyon ng fuel tax.

Samantala, nanawagan ang Pangulo sa mga lokal na opisyal na makiisa sa pagtugon sa mga hamon na kinakaharap ng bansa.

‍