UNTV News and Rescue

Nagpahayag ng kanyang posisyon si Senator Risa Hontiveros kaugnay ng pagkakadawit ng pangalan nina Senator Bong Go at Senator Ronald dela Rosa sa kaso sa International Criminal Court (ICC).

Nilinaw naman ni Senator Panfilo Lacson na pinoprotektahan lamang niya ang ligal na proseso sa bansa at hindi ang dalawa nitong kasamahan sa Senado.

Iginiit naman ni Senator Bong Go na walang anumang bawal o ilegal na iniutos sa kanya si dating Pangulong Rodrigo Duterte noong siya ay nagsisilbi bilang close aide nito.

‍

Iginiit ng Malacañang na kailangang panatilihin ng Pilipinas at China ang maayos na pag-uusap sa gitna ng umiiral na tensyon sa West Philippine Sea.

Ayon kay Palace Press Officer Undersecretary Claire Castro, dapat magsikap ang dalawang bansa na pairalin ang respeto sa isa’t isa.

‍

Muling nanawagan kay Pang. Ferdinand Marcos Jr. ang mga magulang at tagasuporta ni Filipino overseas worker Mary Jane Veloso na palayain na ito.

Ayon sa mga magulang ni Mary Jane, bukod sa paniniwala nilang walang kasalanan ang kanilang anak, nais nila itong makasama lalo ngayong sila ay matanda na.

‍

Sinalakay ng National Bureau of Investigation kasama ang Philippine National Police at Department of Environment and Natural Resources ang isang umano’y illegal mining sa Libona, Bukidnon.

Naaresto rito ang 10 Chinese nationals at 16 Pilipino na sangkot sa operasyon.

‍

Kumbinsido ang Department of the Interior and Local Government at Philippine National Police na walang bagong operasyon ng POGO sa bansa.

Kasunod ito ng sunod-sunod na pagkakadiskubre sa mga ilegal na pagawaan ng sigarilyo sa Pampanga.

‍