UNTV News and Rescue

Isinara ng Islamic Revolutionary Guard Corps o IRGC ang Strait of Hormuz sa gitna ng tumitinding tensyon matapos ang opensiba ng US at Israel laban sa Iran.

Sa Strait of Hormuz dumadaan ang humigit-kumulang 20% ng suplay ng langis at liquefied natural gas sa buong mundo.

Kaya naman nangangamba ang mga eksperto sa magiging epekto ng naturang pagsasara sa presyo ng langis sa mundo.

Inihayag ng Department of Migrant Workers (DMW) na wala pang pangangailangan para sa mass o mandatory repatriation sa mga overseas Filipino workers sa Middle East sa kabila ng tumitinding tensyon sa rehiyon.  

Ayon kay DMW Secretary Hans Cacdac, patuloy na nirerepaso ng Department of Foreign Affairs ang mga alert level, at hindi pa umaabot sa puntong kailangan ang malawakang pagpapauwi ng mga OFW.

Pinaghahandaan na ng Armed Forces of the Philippines at ng Department of National Defense ang posibleng repatriation ng mga Pilipino sa Middle East sakaling lumala ang sitwasyon doon.

Pinalawig pa ng Iraqi Civil Aviation Authority ang pagsasara ng Iraqi airspace para sa lahat ng arriving, departing, at overflying aircraft sa loob ng susunod na 24 oras.

Mananatiling sarado ang Iraqi airspace hanggang bukas ng alas dose ng tanghali. Gayunpaman, maaari pa rin itong magkaroon ng adjustment depende sa sitwasyon.

Tinulungan ng Migrant Workers Office ang nasa 80 overseas Filipino workers na na-stranded sa Hong Kong International Airport matapos na makansela ang mga flight dahil sa kaguluhan sa Middle East.  

Binigyan ang mga ito ng pagkain at iba pang basic needs pati ang kinakailangang referral.