%201.svg){kind=logo}
Emergency Hotline:
(+63) 2 911 – 8688
Sa gitna ng pangamba na baka targetin ang EDCA sites dahil sa tensyon sa pagitan ng Iran at Estados Unidos, nilinaw ni Rear Admiral Roy Vincent Trinidad ng Philippine Navy na hindi mga base militar ng Amerika ang mga ito.
Ayon sa kanya, ang mga lugar sa ilalim ng Enhanced Defense Cooperation Agreement ay nananatiling bahagi ng mga kampo at pasilidad ng Armed Forces of the Philippines at nasa ilalim ng buong pagmamay-ari at kontrol ng Pilipinas.
Tiniyak ng Department of Migrant Workers na hindi dapat mangamba ang mga manggagawang Pilipino, lalo na ang mga OFW na nasa Gitnang Silangan, dahil may sapat at nakahandang pondo ang ahensya para tugunan ang kanilang pangangailangan.
Tinatayang nasa 80-100 Pilipinong manggagawa mula sa Dubai ang pormal nang humiling ng repatriation sa Department of Migrant Workers, habang may ilan ding request mula sa Bahrain, Israel, at Qatar.
Aminado ang ahensya na may hamon sa transportasyon dahil sa pansamantalang pagsasara ng ilang airspace sa rehiyon.
Sa gitna ng pangamba sa posibleng pagtaas ng presyo ng langis dahil sa tumitinding tensyon sa Middle East, naglabas ng kautusan si Manila Mayor Isko Moreno Domagoso upang bawasan ng halos kalahati ang konsumo ng fuel ng lokal na pamahalaan.
Bad news sa mga motorista.
Simula ngayong araw ay magpapatupad ng big-time oil price hike ang mga kumpanya ng langis sa bansa.
