UNTV News and Rescue

Pinamamadali na ni Public Works and Highways Secretary Vince Dizon ang mga proyekto kontra baha bago pa ang tag-ulan.

Ayon sa kalihim, plano nilang gumamit ng malalaking drainage pipes sa mga bahaing lugar sa Metro Manila.

‍

Nagdesisyon si U.S. President Donald Trump na putulin ang ugnayang pangkalakalan sa bansang Spain.

Ito ay matapos tumanggi ang Spain government na ipagamit ang military bases nito upang makaposisyon ang opensiba ng Amerika.

‍

Nagbabala ang Dubai Police sa mga mahuhuling nagpapakalat ng maling impormasyon o anumang pahayag na taliwas sa opisyal na anunsyo kaugnay ng tensyon sa Gulf region.

Ayon sa ahensya, anumang maling pahayag na nagdudulot ng panic o magsasapanganib sa kaligtasan at kalusugan ng publiko ay lubhang ipinagbabawal.

‍

Lusot na sa House Justice Committee ang dalawang impeachment complaints laban kay Vice President Sara Duterte.

Ito’y matapos matukoy na sufficient in substance o may sapat na batayan ang mga reklamo at pasok sa impeachable offense na nakasaad sa Konstitusyon.

Bunsod nito, bibigyan ng kopya ng resolusyon at mga reklamo ang Bise Presidente na kailangan nitong sagutin sa loob ng 10 araw.

‍

Pormal nang sinampahan ng reklamong perjury ni Vice President Sara Duterte ang nagpapakilalang kaniya umanong bagman na si Ramil Madriaga.

Iginiit ng kampo ni VP Sara na dapat mapanagot si Madriaga sa mga kasinungalingan nito para hindi na magamit na basehan laban sa kanya.

‍