UNTV News and Rescue

Inaasahang darating sa United States ang mga kinatawan ng Israel at Lebanon upang magpulong sa White House sa loob ng susunod na apat hanggang limang araw, ayon kay President Donald Trump, kasunod ng napagkasunduang ceasefire.

Gayunman, bago pa man magsimula ang usapang pangkapayapaan, lumulutang na ang magkakaibang kondisyon at posisyon ng bawat panig, na maaaring makaapekto sa takbo ng negosasyon.

Naitala ang sunod-sunod na pagtaas sa presyo ng produktong petrolyo sa Pilipinas kasunod ng tensyon sa Middle East, na nakaapekto sa global oil supply at presyo sa merkado.

Ayon sa pamahalaan, limitado ang kakayahan nitong kontrolin ang presyo ng langis dahil nakadepende ito sa galaw ng pandaigdigang merkado.

Nanawagan ang grupo ng truck drivers sa pamahalaan na pansamantalang alisin ang 24/7 truck ban upang maparami ang kanilang biyahe at maibsan ang epekto ng mataas na presyo ng langis sa kanilang kita.

Ayon sa grupo, makatutulong ang mas maluwag na operasyon upang makabawi sa tumataas na gastos sa krudo na patuloy na nagpapabigat sa kanilang hanapbuhay.

Ilang bus driver ang nagsabing bumaba ang kanilang kita sa ilalim ng service contracting program ng pamahalaan, sa halip na madagdagan.

Dumadaing din ang mga konduktor ng bus sa kakulangan ng ayuda, iginiit na dapat silang maisama dahil bahagi rin sila ng operasyon ng mga bus.

Nanawagan ang ilang mambabatas sa Marcos administration na pabilisin ang hakbang para maibalik sa bansa si Zaldy Co, na nahaharap sa mga kaso.

Iminungkahi ang pagpapadala ng high-level team sa Czech Republic upang tiyakin ang agarang deportation ni Co, kasunod ng kanyang pagkakaaresto sa bansa.