UNTV News and Rescue

Muling naglunsad ng mga pag-atake ang Estados Unidos at Iran sa kabila ng Memorandum of Understanding (MOU) na nilagdaan ng dalawang panig upang wakasan ang kaguluhan sa rehiyon.

Inaakusahan din ng Washington at Tehran ang isa't isa ng paglabag sa kasunduan, na nagdudulot ng panibagong pangamba sa sitwasyon sa Strait of Hormuz.

Patuloy na tumataas ang bilang ng mga namatay dahil sa matinding heatwave na nararanasan ngayon sa malaking bahagi ng Europe, na nagdudulot ng matataas na temperatura sa maraming bansa sa rehiyon.

Nadaragdagan pa ang bilang ng mga nasawi sa magkasunod na malalakas na lindol na tumama sa Venezuela noong nakaraang linggo.  

Habang nagpapatuloy ang malawakang search and rescue operation, hindi pa rin nawawalan ng pag-asa ang mga rescuer na may maililigtas pang buhay mula sa ilalim ng mga guho.

Naisampa na ng National Bureau of Investigation (NBI) sa Pasig City Prosecutor's Office ang reklamong qualified human trafficking laban kay dating Congressman Mike Defensor at sa mga miyembro ng kanyang pamilya.

Ang kaso ay may kaugnayan sa sinalakay na KTV bar na umano'y pagmamay-ari ng pamilya Defensor.

Inaprubahan ng International Criminal Court (ICC) ang kahilingan ng prosecution na i-freeze ang perang nakumpiska kay dating Pangulong Rodrigo Duterte nang siya ay arestuhin noong Marso ng nakaraang taon.