UNTV News and Rescue

Magsisimula na sa Lunes ang Balikatan Exercises sa pagitan ng pwersang militar ng Pilipinas at Estados Unidos.

Kabilang sa tututukan sa pagsasanay ang pagpapalakas ng depensa laban sa drone warfare o pag-atake gamit ang unmanned aerial vehicles, kasabay ng pag-angkop sa mga bagong banta sa modernong labanan.

Ipinagpatuloy ng Sandiganbayan ang pagdinig sa bail petition nina dating senador Ramon Bong Revilla Jr. at iba pang akusado kaugnay ng kaso mula sa Bulacan 1st District Engineering Office.

Sa kanyang pagtestigo, sinabi ng dating DPWH engineer na si Henry Alcantara na umabot sa P1.8-B ang kabuuang halagang naihatid kay dating DPWH Undersecretary Bernardo simula 2022.

Nag-inspeksyon si Deputy Prime Minister Hamdan bin Mohammed sa bagong air taxi station malapit sa Dubai International Airport bilang bahagi ng paghahanda sa paglulunsad ng serbisyo.

Ayon sa opisyal, handa nang gamitin ng publiko ang air taxi service na target simulan ngayong taon, bilang bahagi ng inisyatibo ng Dubai na palawakin ang urban air mobility.

Ipinag-utos ni US Department of State Secretary Marco Rubio ang mas mahigpit na hakbang laban sa mga dayuhang pinaghihinalaang sumusuporta sa mga kalaban ng United States, kabilang ang posibleng pagpapataw ng visa restrictions.

Saklaw din ng hakbang ang paghihigpit sa pagpasok ng mga indibidwal mula sa mga bansang may ugnayan sa mga kaaway ng Amerika, bilang bahagi ng pagpapalakas ng pambansang seguridad.

Binatikos ni U.S. President Donald Trump si Australian Prime Minister Anthony Albanese kaugnay ng paghahanap ng Australia ng oil supply sa ibang bansa, kasabay ng pahayag na maaari sanang tumulong ang United States.

Sa isang social media post, iginiit ni Trump na hindi umano tumugon ang Australia sa alok ng suporta ng U.S., sa kabila ng pangangailangan nito sa enerhiya.