UNTV News and Rescue

Nanawagan ang Department of Trade and Industry sa publiko na agad i-report ang hindi makatuwirang pagtaas sa presyo ng mga pangunahing bilihin.

Ayon sa kagawaran, wala pa itong inaaprubahang price increase hanggang April 30.

Samantala, nagbabala ang retail sector sa posibleng hamon kung hindi magtataas ng presyo ang mga manufacturer.

‍

Naniniwala si Energy Secretary Sharon Garin na magtatagal pa ang mataas na presyo ng produktong petrolyo kahit may dalawang linggong tigil-putukan ang Estados Unidos at Iran.

Dumalo ang kalihim sa pulong ng 13 komite sa Kamara na inatasang makipag-ugnayan sa executive branch upang makabuo ng mga hakbang laban sa epekto ng national energy emergency.

‍

Bahagyang bumaba ang presyo ng krudo sa Asya sa pagbubukas ng trading ngayong Miyerkules, April 8.

Kaugnay ito ng napagkasunduang dalawang linggong ceasefire ng US at Iran, kasabay ng pagsang-ayon ng Iran na buksan sa lahat ng uri ng sasakyang pandagat ang Strait of Hormuz.

‍

Sa kauna-unahang pagkakataon mula nang sumiklab ang tensyon sa Gulf region, nagkasundo ang United States at Iran sa pansamantalang dalawang linggong tigil-putukan, na nagresulta sa muling pagbubukas ng Strait of Hormuz, isang kritikal na ruta ng pandaigdigang suplay ng langis.

Sa tulong ng pamahalaan ng Pakistan, inaasahang magpapatuloy ang negosasyon sa pagitan ng dalawang bansa sa Islamabad sa mga susunod na araw, bilang hakbang tungo sa mas pangmatagalang kasunduan.

‍

Nakahandang magpatupad ng pagbabago ang Roblox sa kanilang gaming platform upang mas maprotektahan ang mga kabataan, ayon sa Department of Information and Communications Technology.

Kabilang sa inaasahang updates sa susunod na linggo ang pag-disable ng chat at mas mahigpit na age verification para sa mga user.

‍