UNTV News and Rescue

Dalawang magkahiwalay na insidente ang tinugunan ng UNTV News and Rescue, kabilang ang isang basketball player na isinugod sa ospital matapos magtamo ng pinsala sa gitna ng laro sa Paco Arena sa Maynila.

Samantala, isang senior citizen na stroke patient ang agad ding dinala sa ospital sa Cabanatuan City upang mabigyan ng agarang medikal na atensyon.

‍

Matapos pagtibayin ng International Criminal Court ang hurisdiksyon nito at kumpirmahin ang mga sakdal laban kay dating Pangulong Rodrigo Duterte, inaasahang susunod ang pagbuo ng panel of judges para sa pormal na paglilitis na maaaring tumagal ng ilang taon.

Ayon sa isang eksperto, bahagi ito ng proseso ng ICC sa pag-usad ng kaso, habang nananatiling kalmado ang dating Pangulo batay sa pahayag ng kanyang abogado sa gitna ng kumpirmasyon ng mga kaso laban sa kanya.

‍

Sa pagtatapos ng bail petition hearing nina dating Sen. Ramon Bong Revilla Jr. at iba pang akusado sa kasong malversation, inilatag ng prosekusyon ang kanilang huling testigo na si dating DPWH Undersecretary Roberto Bernardo.
Si Bernardo na anila ang magpapatibay sa umano’y kickback scheme sa Department of Public Works and Highways.

‍

Nanindigan ang Malacañang na walang mali sa pahayag ni Pangulong Ferdinand Marcos Jr. hinggil sa kustodiya ni Zaldy Co sa Czech Republic.

‍

Tinawag ng ilang mambabatas na pang-iinsulto sa publiko ang alegasyon ng kampo ni Vice President Sara Duterte kaugnay ng umano’y paglabag sa Statement of Assets, Liabilities and Net Worth o SALN.

Samantala, iginiit ng isang miyembro ng House Committee on Justice na walang paglabag sa proseso ng impeachment proceedings ng Kamara kaugnay ng mga reklamong inihain laban sa Bise Presidente.

‍