UNTV News and Rescue

Sinabi ni US President Donald Trump na hindi gagamit ng nuclear weapons laban sa Iran, sa kabila ng tumitinding tensyon at umiiral na ceasefire.

Ayon kay Trump, nahaharap ang Iran sa posibleng oversupply ng langis matapos pigilan ng U.S. ang paglabas ng mga shipment nito. Dagdag pa niya, kung hindi makikipag-usap ang Iran, maaaring gumamit ng puwersa ang Amerika, ngunit hindi kabilang ang armas nukleyar.

‍

Nagsimula na ang special payout ng fuel subsidy para sa mga taxi driver sa ilang lugar sa bansa.

Ayon sa Department of Transportation, mula sa electronic transfer ay ginawa itong face-to-face dahil sa mga isyu sa beripikasyon ng may-ari ng e-wallet account.

Dahil dito, kinailangang pumila at magtiis sa init ang ilang tsuper upang makuha ang kanilang ayuda.

‍

Nilinaw ng Department of National Defense na hindi para sa digmaan ang planong AI hub sa New Clark City kundi para sa pagpapalakas ng ekonomiya ng bansa.

Ayon kay Defense Secretary Gilberto Teodoro Jr., layunin ng proyekto na suportahan ang innovation at economic development, kasabay ng pagbasura sa mga haka-hakang may kaugnayan ito sa giyera.

‍

Binigyang-diin ni Pangulong Ferdinand Marcos Jr. ang kahalagahan ng direktang tulong ng national government sa mga lokal na pamahalaan sa gitna ng krisis sa Middle East.
Tiniyak naman ng Pangulo ang tuloy-tuloy na pagpapatupad ng mga programang tutulong sa mga apektadong sektor, kasabay ng pagtaas ng presyo ng produktong petrolyo.

‍

Nakatakdang bumiyahe patungong Japan sina Pangulong Ferdinand Marcos Jr. at First Lady Liza Marcos sa susunod na buwan para sa isang state visit.
Ayon sa Malacañang Palace, apat na araw mananatili ang First Couple sa bansa mula May 26 hanggang May 29.

‍