UNTV News and Rescue

Nagbabala ang isa sa mga lider ng pinakamalalaking pagawaan ng pataba sa halaman na lubhang maaapektuhan ang pandaigdigang suplay ng pagkain kung tatagal pa ang digmaan sa Gitnang Silangan.  

Kasabay nito, makakaapekto rin sa suplay ng pagkain kung aabutin ng isang taon na nakasara ang Strait of Hormuz.

Nagpatupad ang bansang Sri Lanka ng fuel rationing system gamit ang QR code bilang paghahanda sa posibleng krisis sa suplay ng langis dulot ng nagpapatuloy na digmaan sa Middle East.

Nagkakaubusan na ng fuel canisters sa New Zealand dahil sa dami ng mga bumibili para makapag-imbak ng mas murang gasolina bago pa tumaas ang presyo nito.

Nanawagan si U.S. President Donald Trump ng tulong sa ilang mga bansa na magpadala ng mga barkong pandigma para protektahan ang Strait of Hormuz.

Bunsod ito ng babala ng Iran na pag-atake sa mga imprastraktura ng enerhiya at langis ng Estados Unidos sa Gitnang Silangan.

Nag-alok ang U.S. State Department ng hanggang $10M reward para sa makapagbibigay ng impormasyon sa kinaroroonan ng bagong Supreme Leader ng Iran na si Mojtaba Khamenei at iba pang mataas na opisyal ng bansa.  

Kabilang din sa hinahanap na impormasyon ang tungkol kay Security Chief Ali Larijani, Intelligence Minister Esmail Khatib at Interior Minister Eskandar Momeni.