UNTV News and Rescue

Hindi pa rin handa si US President Donald Trump na makipagkasundo sa Iran sa kabila ng mga ulat na umano’y nagpapakita na ang Tehran ng kagustuhan na makipagnegosasyon upang matapos ang digmaan.  

Ayon kay Trump, kailangang mas matibay at mas pabor sa Estados Unidos ang mga kondisyon ng isang posibleng kasunduan bago niya ito tanggapin.

Mino-monitor na ng Philippine Embassy sa Abu Dhabi at ng Consulate General sa Dubai ang mga ulat hinggil sa ilang mga Pilipino na umano'y naaresto dahil sa pagpo-post at pagse-share ng mga video at iba pang online contents na may kaugnay sa mga pag-atake at air defense interceptions na nagaganap ngayon sa Dubai.

Hinatiran ng Embahada ng Pilipinas ng emergency food assistance ang nasa 292 mga Pilipino sa Israel na apektado ng kaguluhan doon.  

Karamihan sa kanila ay pansamantalang nawalan ng trabaho dahil sa pagsasara ng mga hotel kung saan sila ay nagtatrabaho.

Tuloy-tuloy ang pagdating sa bansa ng mga overseas Filipino workers o OFWs mula sa mga bansang apektado ng tumitinding tensyon sa Middle East.  

Nitong nagdaang weekend, daan-daang repatriates na mga OFW at ilan sa kanilang dependents mula sa Qatar, Saudi Arabia, Bahrain, at Kuwait ang lumapag sa Ninoy Aquino International Airport.

Tuloy-tuloy ang ginagawang pagbabantay ng Philippine National Police sa mga gasoline stations na sinasabing nagtigil operasyon dahil sa hinihinalang pagmamanipula ng presyo at hoarding ng suplay ng langis.  

Ayon sa PNP, may ilang kababayan natin ang nag-report hinggil sa biglaang pagsasara ng ilang gasolinahan sa gitna ng pagtaas ng presyo ng mga produktong petrolyo.