UNTV News and Rescue

Umaasa si US President Donald Trump na mauuwi sa kasunduan ang kasalukuyang komunikasyon sa pagitan ng Estados Unidos at Iran.  

Ayon kay Trump, may “major points of agreement” na umano ang dalawang panig at naniniwala siyang nais na rin ng Iran ang kapayapaan, dahilan upang magbigay siya ng panibagong pagkakataon para sa diplomasya.

Kasunod ng pagtanggi ng Iran sa usapang pangkapayapaan kasama ang Estados Unidos, lalo pang umigting ang mga pag-atake nito laban sa Israel.

Uminit ang talakayan sa pagdinig ng Senate Ad Hoc Committee kahapon, March 24, nang mapag-usapan ang magkakasalungat na pananaw ng Malacañang at ng ilang senador kung mayroon na nga bang krisis sa langis ang bansa.

Ayon sa chairman ng Ad Hoc Committee na si Senator Sherwin Gatchalian, handa naman silang magpatawag ng special session anumang oras kung talagang kinakailangan.

Inihain sa Kamara ang isang resolusyong nag-uudyok sa Department of Trade and Industry at Department of Energy, sa pakikipag-ugnayan sa mga lokal na pamahalaan, na makapagsagawa ng pag-aaral at tantyahin kung kailangang i-adjust at bawasan ang oras ng operasyon ng mga mall at iba pang commercial establishment sa buong bansa.

Ibinahagi ng Department of Transportation ang halaga ng fuel subsidy na matatanggap ng iba't ibang uri ng public utility vehicles bilang tugon ng pamahalaan sa tumataas na presyo ng langis.