UNTV News and Rescue

Nanawagan ang Offshore Energies UK sa pamahalaan na suportahan ang oil at gas exploration sa North Sea upang maiwasan ang pagdepende sa imported na enerhiya sa gitna ng tumitinding global instability.

Iginiit ni North Korean leader Kim Jong Un na hindi na mababago ang pagiging nuclear state ng kanilang bansa at patuloy pa itong palalakasin bilang bahagi ng kanilang depensa.

Tinukoy din niya ang South Korea bilang pinakamapanganib na kaaway at nagbabala ng matinding kaparusahan sa anumang hakbang na lalabag sa soberanya ng North Korea.

Naghain ang Bahrain ng draft resolution sa United Nations Security Council na magpapahintulot sa paggamit ng lahat ng paraan upang maprotektahan ang mga barkong dumaraan sa Strait of Hormuz.

Ayon sa mga diplomat, suportado ito ng ilang Gulf states at ng Estados Unidos, ngunit malabo itong maaprubahan dahil posibleng i-veto ng Russia at China.

Muling tumaas sa mahigit $100 kada bariles ang presyo ng langis matapos ang magkakasalungat na pahayag hinggil sa umano’y usapan ng Estados Unidos at Iran.  

Bumagsak ang presyo noong Lunes nang ipagpaliban ni US President Donald Trump ang planong pag-atake, ngunit agad itong umakyat muli nang itanggi ng Iran ang anumang negosasyon.

Itinalaga ng Iran si Mohammad Bagher Zolghadr bilang bagong secretary ng Supreme National Security Council kapalit ng napaslang na si Ali Larijani.

Si Larijani, isang makapangyarihang opisyal, ay nasawi sa isang airstrike na inuugnay sa Israel noong nakaraang linggo.