UNTV News and Rescue

Muling naungkat ang pagnanais ni US President Donald Trump na i-takeover ang Greenland mula sa kontrol ng Denmark matapos ang pagkakahuli kay Venezuelan leader Nicolás Maduro.

Ayon kay Trump, kailangan ng US ang Greenland para sa national security, bagay na mariing tinututulan ng Prime Minister ng Denmark at Greenland.

Nag-viral sa social media ang selfie ni South Korean President Lee Jae Myung kasama si Chinese President Xi Jinping gamit ang smartphone na regalo ni Xi, na minsang biniro ng Chinese leader na maaaring may “backdoor” o spying capability.

Hindi lamang agresyon sa dagat kundi pati propaganda ang patuloy na ginagawa ng China sa West Philippine Sea.

Ayon sa Philippine Navy, asahan nang magpapatuloy pa ito ngayong taon, kaya mas pinaigting ng Pilipinas ang paghahanda at mas maraming pagsasanay pa ng Sandatahang Lakas kasama ang mga kaalyadong bansa.

Bukas si Senate committee on finance chair Sherwin Gatchalian sakaling umakyat sa Korte Suprema ang pagkuwestiyon sa unprogrammed funds na nakapaloob sa 2026 General Appropriations Act o GAA.

Nilinaw naman ng senador na walang nabawas o nawalang pondo para sa bonus, benepisyo, at pensyon ng mga kawani ng gobyerno sa ilalim ng 2026 GAA.

Kampante ang Malacañang na ang 2026 national budget ang pinakamalinis na naipasang pondo ng bansa, matapos ang masusing pagbusisi sa mga probisyon at alokasyon nito.

Dahil dito, hindi ikinababahala ng administrasyon ang posibilidad na kuwestiyunin sa Korte Suprema ang legalidad ng 2026 General Appropriations Act.