UNTV News and Rescue

Iginiit ni NATO Secretary General Mark Rutte na hindi kayang ipagtanggol ng Europe ang sarili nito kung wala ang suporta ng Estados Unidos.

Ang pahayag ay kasunod ng panawagang maging mas independent ang Europe sa usaping depensa, sa gitna ng namumuong tensyon sa pagitan ng Europe at Amerika.

Naglabas ng heatwave warnings ang mga awtoridad sa Australia habang milyon-milyong mamamayan ang nagdiriwang ng Australia Day.

Ayon sa Bureau of Meteorology, umabot sa mahigit 40 degrees Celsius ang temperatura sa ilang bahagi ng bansa, kung saan naitala sa Hopetoun sa Victoria ang pinakamainit na temperatura na umabot sa 48.9 degrees Celsius.

Patuloy na umiigting ang tensyon sa pagitan ng Canada at United States matapos ang panibagong banta ni US President Trump na magpataw ng 100% tariff sa mga produktong galing Canada sakaling magkaroon ito ng kasunduan sa China.

Nilinaw naman ni Canadian Prime Minister Mark Carney na hindi papasok ang kanyang bansa sa isang free trade deal sa China.

Inaakusahan ng White House ang Democratic leaders sa Minnesota na nasa likod umano ng lumalalang gulo sa estado.

Ito ay kasunod ng pamamaril ng isang ICE agent na muling nagpasiklab ng malawakang protesta laban sa immigration crackdown ng Trump administration.

Ligtas nang nakauwi kahapon ng umaga ang 15 Pilipinong tripulante ng lumubog na M/V Devon Bay.

Subalit giit ng Philippine Navy, hindi sapat ang isang rescue operation para mabura ang daan-daang insidente ng agresibo at ilegal na presensya ng mga barko ng China sa Exclusive Economic Zone ng Pilipinas sa West Philippine Sea.