UNTV News and Rescue

Handa umanong humarap sa Independent Commission for Infrastructure o ICI si Presidential son at House Majority Leader at Ilocos Norte 1st District Representative, Sandro Marcos.

Ito ang nakasaad sa sulat na ipinadala niya sa komisyon.

Wala pang natatanggap na ulat ng Filipino casualty ang Department of Foreign Affairs o DFA sa nangyaring sunog sa Tai Po District sa Hong Kong.

Ayon sa DFA, 23 na mga domestic workers ang kinakailangang tugunan ang welfare assistance.

Kinumpirma ng Department of Migrant Workers o DMW na mayroong 20 na mga seafarers o tripulante ang nakakulong sa kanilang mga barko sa Lagos, Nigeria.

Kaugnay ito ng natuklasang 20 kilograms ng cocaine na nasa loob ng isang parcel sa isinagawang inspeksyon sa pantalan.

Kailangan umanong paghandaan ng Pilipinas ang mas malaking plano ng China ayon kay Retired Associate Justice Antonio Carpio.

Malaki aniya ang posibilidad na magtayo ng monitoring system sa Scarborough Shoal ang China.

Kumikilos na ang Bureau of Internal Revenue upang imbestigahan ang mga alegasyon na mayroon umanong ilang empleyado nito ang sangkot sa korapsyon.

Partikular ang sinasabing hatian mula sa kita ng Letters of Authority o LOA.