Ryan Lacanlale

Nagpapatuloy ang pagpapalakas ng Hukbong Himpapawid ng Pilipinas.

Lima pang bagong black hawk helicopter ang opisyal nang nadagdag sa fleet ng Philippine Air Force sa ilalim ng AFP modernization program.

‍

Nagsagawa ng maritime domain awareness flight ang Philippine Coast Guard sa Bajo de Masinloc o Scarborough Shoal ngayong araw.

Layon nitong alamin ang sitwasyon sa lugar at matukoy kung nandoon pa ang mga barko ng China na nagbanggaan nitong Lunes.

Pero isang fighter jet ng China ang sumalubong at bumuntot sa kanila.

Wala pa ring linaw kung may casualty o sugatan sa panig ng China sa nangyaring banggaan ng People’s Liberation Army Navy destroyer at chinese coast guard nitong lunes ng umaga, matapos ang ginawang panghaharas ng mga barko sa brp suluan.

ayon sa philippine coast guard, sa tindi ng pinsala sa chinese coast guard vessel, hindi na nito kayang maglayag mag-isa.

‍

Naniniwala ang pinuno ng Sandatahang Lakas ng Pilipinas na intensyon o plano talaga ng barko ng Peoples Liberation Army Navy na banggain ang BRP Suluan ng Philippine Coast Guard.

Nagkamali lang ito kaya't ang barko ng Chinese Coast Guard ang nasapol sa nangyaring insidente kahapon sa West Philippine Sea.

Ginawaran ng pagkilala ng Philippine Coast Guard ang kapitan at crew ng BRP Suluan, ang barko ng Pilipinas na hinabol at hinaras ng mga barko ng China kahapon.

Nagresulta ang habulan sa banggaan ng dalawang barko ng China.

‍