UNTV News and Rescue

Apat na tauhan ng Philippine Coast Guard ang inalis sa pwesto bunsod ng paglubog ng MV Trisha Kirsten.

Batay ito sa ulat na inilahad sa ikalawang pagdinig ng House Committee on Transportation kaugnay ng trahedya.

‍

Nagsimula na ang taunang Combined Arms Training Exercise o CATEX “Katihan” ng Philippine Army.

Tinatayang nasa 4,000 sundalo ang nakikilahok ngayon sa pagsasanay na ginaganap sa iba't ibang lugar sa Northern Luzon.

‍

Pinaigting ng Philippine National Police ang imbestigasyon upang matunton ang sindikato sa likod ng P6.6-B “shabu” laboratory na natuklasan sa Valenzuela City.

Tiniyak ng Social Security System (SSS) na wala itong ipatutupad na pagtaas sa kontribusyon ng mga miyembro sa kabila ng pagtaas sa natatanggap na pensyon.

Samantala, inanunsyo rin ng SSS na target nitong ipatupad sa second quarter ng 2026 ang bagong benepisyong micro pension loan upang makatulong sa mga Pilipino na makaiwas sa pangungutang sa lending companies na may mataas na interes.

‍

Magiging maingat ang National Unity Party sa pagdedesisyon kaugnay ng mga impeachment complaints laban kay Vice President Sara Duterte.

Ayon kay House Deputy Speaker Ronnie Puno, hati ang pananaw ng kanilang partido hinggil sa usapin.

‍