UNTV News and Rescue

Malaya ang sinuman na maghain ng impeachment complaint laban kay Vice President Sara Duterte simula February 6, 2026. Ito ang petsa kung kailan magtatapos ang one-year ban sa paghahain ng reklamong impeachment laban sa opisyal, batay sa desisyon ng Korte Suprema.

Wala pang impormasyong natatangap ang Independent Commission for Infrastructure o ICI mula sa Malakanyang na bubuwagin na umano ang independent investigating body, ayon kay Executive Director Atty. Brian Keith Hosaka.

Agad na pinabulaanan ni Senate President Vicente ‘Tito’ Sotto III ang mga naging pahayag ni Sen. Imee Marcos. 

Ayon kay Sen. Marcos, pinipigilan umano na ungkatin ang posibleng pagkakasangkot ng ilang mataas na opisyal ng pamahalaan sa kontrobersyal na flood control projects.

‍

Tiniyak ng House Committee on Public Accounts na magpapatupad ang Kamara ng mga hakbang upang maiwasan ang pulitikal na panghihimasok sa pamamahagi ng tulong ng gobyerno sa ilalim ng ₱6.793 trilyong 2026 national budget.

‍

Ayon kay Health Secretary Teodoro Herbosa, hindi na kailangan ng guarantee letter sa DOH hospitals dahil ipinatutupad na ng pamahalaan ang zero balance billing program.
Dagdag pa nito, inaasahang bago matapos ang Enero o sa kalagitnaan ng Pebrero ay ilalabas na nila ang guidelines para sa Medical Assistance for Indigent and Financially Incapacitated Patients o MAIFIP.