UNTV News and Rescue

Nilinaw ng Commission on Elections na wala itong kapangyarihan na makialam sa panukalang pagpapaliban ng Barangay at Sangguniang Kabataan Elections o BSKE para magamit ang pondo sa gitna ng krisis.

Ayon sa Commission on Elections, sakaling ma-postpone ang halalan, hindi maaaring ilipat o gamitin sa ibang layunin ang pondong nakalaan para dito.

Ayon sa Employers Confederation of the Philippines (ECOP), ramdam na ng maliliit na negosyante ang epekto ng patuloy na pagtaas ng presyo ng langis.

Ilan sa mga negosyo ang nagsasara, habang ang iba ay nagpapatupad ng freeze-hiring o pansamantalang hindi kumukuha ng bagong empleyado.

Dagdag ng grupo, nahihirapan ang sektor na makasabay sa galaw ng presyo ng produktong petrolyo.

Mariing pinabulaanan ng Armed Forces of the Philippines ang paratang ng China na gawa-gawa lamang ang isyu ng paggamit ng cyanide ng mga Chinese fishermen sa Ayungin Shoal.

Ngayong araw, humarap sa media ang dalawang tauhan ng Philippine Navy na sangkot sa pagkakahuli sa mga mangingisdang Chinese na may dalang nakalalasong kemikal sa dalawang magkahiwalay na insidente sa nasabing lugar.

Iginiit ng Iran na karapatan nito ang uranium enrichment at hindi ito maaaring isuko, kasabay ng patuloy na negosasyon sa Estados Unidos.

Ayon kay Iranian Foreign Minister Abbas Araghchi, nakasalalay ang anumang kasunduan sa pagrespeto ng US sa karapatang ito, na itinuturing ng Tehran bilang mahalagang bahagi ng kanilang soberanya.

Sa kauna-unahang pagkakataon, humarap sa public hearing ng House Justice Committee si Ramil Madriaga, na nagpakilalang umano’y dating bagman ni Vice President Sara Duterte.

Sa kanyang testimonya, iginiit ni Madriaga na hindi totoo ang pahayag ng bise presidente na wala silang personal na ugnayan.