UNTV News and Rescue

Tinamaan ng drone strike ng Iran ang U.S. Embassy sa Riyadh, Saudi Arabia noong March 3 kung saan ipinull‑out na rin ng Washington ang mga non‑emergency personnel ng embahada.

Matapos ang mahigit isang dekada, bumisita ang isang Canadian leader sa katauhan ni Prime Minister Mark Carney sa bansang Australia.  

Ayon kay Carney, ilang panahon rin na hindi nabigyang prayoridad ang ugnayan ng dalawang bansa.

Pinatawan ng hold departure order ang magkapatid na nagbitiw na kongresista na sina Edvic at Eric Yap.

Ito’y matapos silang masangkot sa flood control scandal at maisama sa mga iniimbestigahan ng Office of the Ombudsman.

Tatalakayin ngayong araw ng Miyerkules, March 4 ang sufficiency in substance ng ikaapat na reklamong impeachment laban kay Vice President Sara Duterte na inihain ng abugadong si Nathaniel Cabrera at iniendorso nina House Deputy Speaker Paolo Ortega V at Manila 6th District Rep. Benny Abante.

Patuloy ang monitoring ng Armed Forces of the Philippines upang matiyak ang kaligtasan ng publiko sa gitna ng kaguluhan sa Gitnang Silangan.  

Tiniyak ng AFP na nananatiling matatag at stable ang sitwasyon sa bansa.  

Aktibo rin umanong naghahanda ang Sandatahang Lakas ng Pilipinas para sa anumang contingency na kailangang gawin sakaling lumala ang tensyon sa Middle East.