UNTV News and Rescue

Sa kabila ng pagtiyak ni US President Donald Trump na may nakahandang hakbang ang Amerika kaugnay ng epekto ng giyera sa Iran sa presyo ng langis, nananatiling mataas at patuloy na tumataas ang presyo ng produktong petrolyo sa global market.

Nahaharap naman sa iba't ibang hamon ang malalaking oil-exporting countries dahil sa gulo.

Muling humarap sa Sandiganbayan si dating senador Ramon Bong Revilla Jr. at anim niyang kapwa akusado para sa paghahanda sa gagawing paglilitis.

Bago magsimula ang paglilitis, didinggin muna ng korte ang hiling nilang makapiyansa sa kasong malversation.

‍

Walang kinalaman si Vice President Sara Duterte sa death threats na natatanggap ni Ramil Madriaga, ayon sa abogado ng bise presidente na si Atty. Paolo Panelo.

Sa inilabas nitong pahayag, sinabi ni Atty. Panelo na kaisa sila sa panawagan na protektahan si Madriaga.

Dapat bantayan nang maayos ng mga impeachment complainant si Ramil Madriaga upang maiwasan ang anumang banta o impluwensya, ayon sa ilang kongresista.

Itinuturing siya ng mga mambabatas bilang matibay na ebidensya sa umano’y impeachable offenses ni Vice President Sara Duterte.

‍

Ipinatatawag ng National Bureau of Investigation sa susunod na linggo ang 18 nagpakilalang dating miyembro ng Philippine Marine Corps, kasama si Atty. Levi Baligod at dating kongresista na si Mike Defensor.

Bukod dito, tinitingnan din ng NBI na isama sa mga ipatatawag ang notary public na nag-notaryo ng kanilang sinumpaang salaysay.