UNTV News and Rescue

Ligtas nang nakauwi sa bansa ang 90 overseas Filipino workers mula sa United Arab Emirates sakay ng Emirates Airline EK 334 na lumapag sa Ninoy Aquino International Airport Terminal 3 noong March 8.  

Pinangunahan ni Migrant Workers Secretary Hans Leo Cacdac at Overseas Workers Welfare Administration Administrator Patricia Yvonne Caunan ang pagsalubong sa mga dumating nating kababayan na naipit ng gulo sa Middle East.

Magsasagawa ng joint briefing ang House Committee on Foreign Affairs at Overseas Workers Affairs para matukoy ang sitwasyon at kahandaan ng pamahalaan sa pagtulong sa mga Pilipinong naapektuhan ng gulo sa Middle East.  

Nakatakda ito sa araw ng Miyerkules, March 11.

Hinihimok ni Senate President Pro Tempore Panfilo "Ping" Lacson ang publiko na isumbong sa mga awtoridad ang mga gasolinahang maagang nagtataas ng presyo ng langis.  

Ito ay kasunod ng mga ulat na may ilang establisimyento na ang nagpapatupad ng oil price hike bago pa ang nakatakdang schedule ng adjustment.

Pormal nang humingi ng tulong ang Department of Energy sa Department of the Interior and Local Government at Philippine National Police upang mabantayan ang mga gasoline station sa bansa.

Ito’y upang masiguro na nakasusunod ang mga ito sa mga patakarang itinakda ng pamahalaan at maiwasan ang anumang pang-aabuso sa mga consumer.

Nagtakda ng price range ang Department of Energy para sa mga produktong petrolyo.  

Epektibo ito simula noong Biyernes, March 6 at tatagal hanggang March 9, habang inaantabayan ang ilalabas na final price adjustment sa presyo ng langis para sa linggong ito.