UNTV News and Rescue

Malapit nang matapos ang trabaho ng Independent Commission for Infrastructure. Ito ang pahayag ni Pangulong Ferdinand Marcos Jr. nang tanungin tungkol sa isyu ng posibleng pagbuwag sa ICI.

Ayon sa Pangulo, nakasalalay sa mga natitira pang gawain ang magiging kapalaran ng independent body. Wala rin umanong katiyakan kung magtatalaga pa ng kapalit sa mga nagbitiw na commissioner nito.

May panibagong warrant of arrest laban sa negosyanteng si Charlie Atong Ang na inilabas ng isang korte sa Batangas.

Kaugnay pa rin ito ng mga kasong kinakaharap niya sa isyu ng mga nawawalang sabungero.

Inaabangan na rin ng Department of Justice ang paglalabas ng mga arrest warrant mula sa iba pang korte.

Nadagdagan pa ang mga akusado sa kaso ng mga nawawalang sabungero na hawak ng Philippine National Police–Criminal Investigation and Detection Group.

Binigyan na rin ng deadline ng PNP si Charlie Atong Ang upang isuko ang kanyang mga armas.

Pinag-iisipan na ng National Unity Party o NUP na hilingin sa Kamara ang tuluyang expulsion o pagpapatalsik kay Cavite 4th District Rep. Francisco “Kiko” Barzaga.

Ayon naman sa suspendidong mambabatas, hindi siya ang pinakamalaking problema ng institusyon sa ngayon.

Naghain ng reklamo si Batangas 1st District Rep. Leandro Legarda Leviste sa Balayan, Batangas Regional Trial Court laban kay Palace Press Officer Undersecretary Claire Castro.

Ayon sa mambabatas, kaugnay ang kaso sa umano’y mapanirang pahayag ni Usec. Castro hinggil sa kanyang solar business.