UNTV News and Rescue

Iminungkahi ni Senator Imee Marcos ang pag-amyenda sa Oil Deregulation Law sa gitna ng patuloy na pagtaas ng presyo ng langis.  

Iginiit ng senadora ang unbundling o pagpapakita ng breakdown ng presyo ng mga produktong petrolyo.

Naglabas ng advisory ang Department of Energy kung saan inaatasan ang mga nasa oil industry na mag-report hinggil sa utilization ng kanilang storage capacity, gayundin ang kanilang usage o paggamit ng oil, gas depot, at terminals.

Nanawagan ang Liquefied Petroleum Gas Marketers Association o LPGMA sa mga seller ng LPG na ibenta ito sa tamang presyo kasunod ng deklarasyon ng suspensyon sa excise tax sa LPG at kerosene.

Nakatakdang dumating sa Pilipinas sa darating na Mayo ang 22,000 metric tons ng liquefied petroleum gas na binili ng pamahalaan sa ibang bansa sa pamamagitan ng Philippine National Oil Company o PNOC.

Muling ipagpapatuloy ngayong araw, April 16, ng Manibela at iba pang mga transport groups ang isinagawang tigil-pasada bilang protesta sa anila’y kakulangan ng aksyon ng gobyerno upang tugunan ang energy crisis sa bansa.