UNTV News and Rescue

Nanawagan na si Pangulong Ferdinand Marcos Jr. sa buong rehiyon ng Asya ng pagkakaisa para masolusyunan ang krisis sa langis.  

Nagpahayag rin ng suporta si PBBM para sa agarang pagpapatupad ng emergency response mechanism ng Association of Southeast Asian Nations o ASEAN.

Tiniyak ng Department of Energy na hindi maaapektuhan ang suplay ng kuryente sa kabila ng pabago-bagong presyo ng petrolyo.  

Ayon kay Energy Secretary Sharon Garin, maliit lamang ang bahagi ng diesel sa kabuuang power generation ng bansa.

Posibleng bumaba sa laylayan ng lipunan ang mga middle class sa bansa.  

‘Yan ang nakikitang posibleng mangyari ng isang mambabatas dahil sa patuloy na nararanasang krisis sa langis sa Pilipinas na epekto ng nagpapatuloy na tensyon sa Gitnang Silangan.

Muling naglabas ng schedule ang Department of Social Welfare and Development at Land Transportation Franchising and Regulatory Board hinggil sa isasagawang special payout para sa mga PUV driver na hindi pa nabibigyan ng cash relief assistance.

Hindi na kailangan ang Global Positioning System o GPS sa Service Contracting Program.  

Ito ang inanunsyo ng Land Transportation Franchising and Regulatory Board o LTFRB kasabay ng unang araw ng implementasyon ng programa kahapon.