UNTV News and Rescue

Sinuspinde ng pamunuan ng Camp John Hay ang libreng e-shuttle service at nag-utos ng masusing safety review matapos ang aksidenteng nangyari noong Enero 16 na ikinasawi ng isang indibidwal at ikinasugat ng anim na iba pa.

‍

Prayoridad ng Philippine Coast Guard na bantayan at protektahan ang bagong nadiskubreng gas reserve sa silangan ng Malampaya gas field sa bahagi ng West Philippine Sea malapit sa Palawan. Dahil dito, nag-utos ang pamunuan ng PCG na i-realign ang mga asset nito upang mas makatutok sa pagbabantay sa nasabing lugar.

Naniniwala ang presidente ng Bukluran ng Manggagawang Pilipino na si Atty. Luke Espiritu na sarsuwela o laro lamang ang ginagawang pagdinig ng Senado sa maanomalyang flood control projects. Hindi aniya sinsero ang imbestigasyon dahil mismong mga miyembro ng kanilang kapulungan ang sangkot.

Peke ang gamit na plaka at hindi pa rehistrado sa Land Transportation Office ang Ferrari na nakuha sa parking lot ng condominium unit ni dating Ako Bicol Party list Rep. Zaldy Co. Base sa isinawagang validation ng Philippine National Police Highway Patrol Group, ang plaka ay nakapangalan sa ibang indibidwal na may kaparehong model ng sasakyan.

Itinuturing nang loose firearms ng Firearms and Explosives Office ang 6 na armas ng negosyanteng si Charlie ‘Atong’ Ang. Kasunod ito ng kanselasyon ng kanyang license to own and possess firearms at firearms registration noong nakaraang linggo.

‍