UNTV News and Rescue

Nagbanta ang Iran na isasara ang mahahalagang lagusan sa Red Sea, Sea of Oman, at Persian Gulf kung magpapatuloy ang umano’y panghaharang ng United States sa mga barko sa Strait of Hormuz.

Iginiit ng Iran na paglabag ito sa umiiral na ceasefire.

Batay sa ulat ng US Central Command, isang Iranian cargo vessel ang napigilan matapos magtangkang maglayag sa nasabing ruta.

‍

Kinumpirma ni DILG Sec. Jonvic Remulla na may Interpol red notice na ang negosyanteng si Charlie 'Atong' Ang.

Ang red notice ay abiso sa mga bansa upang matunton at maaresto ang isang indibidwal para sa posibleng extradition.

‍

Hiniling ni dating Pangulong Rodrigo Duterte sa Appeals Chamber ng International Criminal Court na huwag na siyang obligahing dumalo sa public announcement ng desisyon sa kanyang apela.

Sa kanyang mosyon, kinuwestyon ng dating Pangulo ang hurisdiksyon ng ICC sa kasong crimes against humanity na isinampa laban sa kanya.

‍

Iniimbestigahan ng Philippine Navy ang posibleng layunin ng China kaugnay ng paggamit ng cyanide sa West Philippine Sea, kabilang ang epekto nito sa mga Pilipinong mangingisda.

Nanindigan naman ang Philippine Navy na ipagpapatuloy ang pagpapatrolya sa exclusive economic zone ng Philippines upang maprotektahan ang mga mangingisda at mga bahura.

‍

Nauwi sa shootout ang rescue operation ng Philippine National Police Anti-Kidnapping Group sa isang negosyante sa Parañaque kagabi.

Nailigtas ang biktima, ngunit nasawi ang apat na suspek, kabilang ang dalawang dating pulis.

‍