UNTV News and Rescue

Nananatili sa evacuation center ang daan-daang residente sa Obando, Bulacan matapos lumikas dahil sa mabahong usok mula sa nasusunog na sanitary landfill sa Navotas City.

Ilan sa kanila ang nagkakasakit habang dalawa ang isinugod sa ospital.

‍

Maglulunsad ang Philippine Association of the Record Industry (PARI) ng mas inklusibong direksyon para sa industriya ng musikang Pilipino, kung saan papayagan nang sumali sa Awit Awards ang non-member artists.

Kasabay nito, inilatag ng PARI ang mga reporma at inisyatibo upang palakasin ang partisipasyon ng mga artista, paigtingin ang kooperasyon sa industriya, at palawakin ang abot ng OPM sa local at international scene.

‍

Pinadalhan ng show cause order ng Office of the Ombudsman ang isang assistant special prosecutor na umano’y tumanggap ng pera, kaugnay ng mga pahayag ni Ramil Madriaga sa impeachment proceedings laban kay VP Sara Duterte.

Lumabas sa salaysay ni Madriaga na nadawit ang tanggapan sa isa sa mga lokasyon ng umano’y delivery ng malaking halaga ng pera, dahilan upang agad umaksyon ang Ombudsman at humingi ng paliwanag sa nasabing opisyal.

‍

Hindi ginamit sa information gathering o surveillance na may kinalaman sa national security at peace and order ang P73 milyong confidential funds ng Office of the Vice President noong 2022, ayon sa en banc ruling ng Commission on Audit.

Samantala, hindi binigyang-bigat ng isang miyembro ng House Justice panel ang pagkontra sa mga pahayag ni Ramil Madriaga kaugnay ng pagdinig sa impeachment complaint laban kay VP Sara Duterte.

‍

Mariing pinabulaanan ng China ang pahayag ni US President Donald Trump kaugnay ng umano’y pagpapadala ng armas sa Iran.

Ayon kay Trump, pumayag umano ang China na huwag gawin ito, at ikinatuwa pa umano ng bansa ang hakbang ng US sa Strait of Hormuz.

‍