UNTV News and Rescue

Pinabulaanan ng Malacañang na ang administrasyong Marcos ang may pakana sa paghahain ng impeachment complaint laban kay Pangulong Ferdinand Marcos Jr., na sinasabing layong ilihis ang atensyon ng publiko sa iba pang isyu.

Nagbigay rin ng pahayag ang Palasyo tungkol kay Presidential Son at House Majority Leader Sandro Marcos, na anila’y nalalagay sa mahirap na sitwasyon dahil sa reklamo laban sa kanyang ama.

Naniniwala si DPWH Secretary Vince Dizon na malalakas ang nakalap na ebidensya laban sa 9 na akusadong opisyal ng pamahalaan na sangkot sa umano’y substandard na flood control project sa Oriental Mindoro na nagkakahalaga ng humigit-kumulang P289.5-M.

Mataas ang kumpiyansa ng National Bureau of Investigation na mahuhuli ng mga awtoridad ang negosyanteng si Atong Ang, na itinuturing na ring most wanted person sa bansa kaugnay ng kaso ng mga nawawalang sabungero.

Samantala, naniniwala rin ang NBI na hindi pa nakalalabas ng Pilipinas ang nagtatagong suspek.

Naghain ng cyberlibel complaint si House Deputy Speaker at Antipolo 1st District Rep. Ronnie Puno laban kay Cavite 4th District Rep. Francisco “Kiko” Barzaga sa Office of the City Prosecutor sa Antipolo.

Tinawag ni contractor Curlee Discaya na tila “modern-day na pagnanakaw” ang umano’y pag-o-obliga sa kanilang mag-asawa na magsauli ng pera bilang kondisyon para mapasama sa Witness Protection Program (WPP).

Agad itong pinabulaanan ng Department of Justice, at iginiit na may malinaw na proseso at legal na batayan ang pagpapatupad ng WPP.

Samantala, mariing tinuligsa ng iba pang ahensya ng gobyerno ang pahayag ni Discaya kaugnay ng isyu.