UNTV News and Rescue

Isang pamilya sa East Coast ng New Zealand ang himalang nakaligtas matapos ma-trap buong magdamag sa bubong ng kanilang bahay bunsod ng rumaragasang tubig-baha. Naging sanhi naman ng landslide sa rehiyon ang matinding ulan at baha.

‍

Isang dokumento ang natuklasan ng Associated Press na naglalahad hinggil sa isang internal memo ng U.S. Immigration and Customs Enforcement na pinapayagan ang mga opisyal nito na puwersahang pumasok sa mga pribadong tahanan nang walang warrant na pinirmahan ng hukom.

‍

Naghahanda ang Canada ng mga planong pangmilitar kung sakaling sakupin ito ng Estados Unidos. Ito ay sa gitna ng lumalalang tensyon sa dalawang bansa.

Walang special treatment na ibibigay sa mga inaasahang makukulong pa dahil sa anomalya sa flood control projects ayon sa Bureau of Jail Management and Penology (BJMP). Ayon kay BJMP Spokesperson Jail Superintendent Jayrex Joseph Bustinera, mahigpit ang babala ng kanilang hepe hinggil dito at maaaring maalis sa serbisyo ang gagawa nito.

Inalis sa puwesto ang tatlong opisyal ng Bureau of Immigration kaugnay ng pagre-record ng mga video ng Russian vlogger na si Vitaly Zdorovetskiy habang nasa detention facility.