UNTV News and Rescue

Dalawang bahay sa isang exclusive subdivision sa Makati City ang pinuntahan ng mga operatiba ng National Bureau of Investigation dahil sa impormasyon na naroon umano ang negosyanteng si Charlie “Atong” Ang.

Ngunit matapos ang search operations, hindi pa rin nakita ang negosyante.

‍

Malaking tulong sa Department of Public Works and Highways ang mga ebidensyang nakalap ng Independent Commission for Infrastructure o ICI, ayon kay Secretary Vince Dizon.

Partikular na binigyang-diin ng Kalihim ang isinasagawang imbestigasyon kaugnay ng mga anomalya sa flood control projects ng pamahalaan.

‍

Posibleng maharap sa reklamo ang driver ng kotse na nakabangga sa estudyante na umano’y tumalon sa Fernando Poe Jr. Station ng LRT sa Quezon City kahapon.

Samantala, nangako ang Light Rail Manila Corporation sa Quezon City Police District na muli nilang pag-aaralan ang umiiral na safety protocols na ipinatutupad upang maiwasan ang kahalintulad na insidente.

‍

Mas makabubuting palitan na ang tagapagsalita ng Chinese Embassy sa bansa.

Ito ang inihayag ni Senator JV Ejercito sa gitna ng palitan ng maiinit na pahayag sa pagitan ng ilang miyembro ng Senado at ng naturang Chinese diplomat.

Tinawag naman ni Senator Raffy Tulfo na “balat-sibuyas” ang China.

‍

Tuluyan nang magsasampa ng pormal na reklamo sa Office of the Ombudsman ang Department of the Interior and Local Government laban sa mga tiwaling opisyal at tauhan ng Bureau of Fire Protection o BFP.

Ayon kay DILG Secretary Jonvic Remulla, ihahain sa susunod na linggo ang kaso laban sa 40 kawani ng ahensya.

‍