UNTV News and Rescue

Inusisa sa pagdinig ng House Committee on Transportation ang kumpanyang may-ari ng lumubog na M/V Trisha Kerstin 3 sa katubigan ng Basilan gayundin ang Maritime Industry Authority o MARINA.

Kinuwestyun kung bakit pinahihintulutan pang makapaglayag ang mga vessel nito gayong ilang beses nang nasangkot sa maritime incidents.

‍

Dumalo sa preliminary investigation ng reklamong plunder si dating Senador Ramon “Bong” Revilla Jr. kanina sa Department of Justice.

Ayon sa tagapagsalita ni Revilla, naghain ng manifestation ang state witnesses at kapwa-akusado ng dating senador na hindi sila sasagot sa preliminary investigation sapagkat discharged o inalis na sila bilang respondent.

Kaugnay nito, duda na ang kampo ni Revilla kung paano mapapatunayan ang elemento ng conspiracy kaugnay ng plunder.

‍

Walang online adoption na isinasagawa ang National Authority for Child Care o NACC para sa mga nais mag-ampon ng bata.

Ikinababahala ng ahensya ang patuloy na pagtaas ng bilang ng mga sanggol na ilegal na ibinebenta online.

‍

Muling tiniyak ni Pangulong Ferdinand Marcos Jr. ang suporta ng administrasyon sa sektor ng agrikultura para masiguro ang suplay ng pagkain sa bansa.

Ayon sa Pangulo, ngayong taon ay malaking budget ang inilaan ng pamahalaan para matulungan ang sektor, partikular na ang mga magsasaka.

‍

Naglabas ng panibagong warrant of arrest ang San Pablo City Regional Trial Court laban sa negosyanteng si Charlie “Atong” Ang at 5 pang akusado kaugnay ng kaso ng mga nawawalang sabungero.

Kasabay nito, itinaas naman ng Department of the Interior and Local Government (DILG) ang pabuya sa sinumang makapagtuturo o magbibigay ng impormasyon para sa pag-aresto sa kanya.

‍