UNTV News and Rescue

Tiniyak ng pamunuan ng Parañaque Integrated Terminal Exchange (PITX) na hindi na mauulit ang iligal na pagtaas ng pamasahe sa ilang bus.

Samantala, muling nagpaalala ang Bureau of Fire Protection na dapat madaling maabot at walang nakaharang sa mga fire extinguisher sa loob ng mga bus para sa kaligtasan ng mga pasahero.

‍

Umaasa si Akbayan Party-list Rep. Perci Cendaña na masisimulan ang impeachment trial kay Vice President Sara Duterte bago ang State of the Nation Address ni Pangulong Ferdinand Marcos Jr. sa Hulyo.

Samantala, ayon sa isang miyembro ng House Justice Committee, posibleng matukoy na sa pagdinig sa Abril kung may probable cause ang mga reklamong impeachment laban sa Bise Presidente.

‍

Sinusuri na ng Senate Finance Committee ang posibilidad ng Bayanihan 3 bilang tugon sa krisis dulot ng gulo sa Middle East.

Kasabay nito, nagmungkahi rin ang ilang senador ng mga hakbang upang mapahaba at matiyak ang sapat na supply ng langis sa bansa.

‍

Inaasahan ng Philippine Ports Authority (PPA) na aabot sa 2.46 milyong pasahero ang dadaan sa mga pantalan sa bansa ngayong long holiday, mas mataas kumpara noong 2025.

Pinayuhan naman ng mga awtoridad ang publiko na agahan ang pagpunta sa mga terminal o pier upang maiwasan ang abala sa biyahe.

‍

Nanawagan ang isang ekonomista na repasuhin ang mga batas na may kinalaman sa ekonomiya ng bansa sa gitna ng patuloy na pagtaas ng presyo ng produktong petrolyo.

Kabilang dito ang Oil Deregulation Law, na kailangang suriin upang makatugon sa epekto ng krisis sa langis.

‍