UNTV News and Rescue

Pinuna ni Supreme Court Senior Associate Justice Marvic Leonen ang malaking pagtaas ng unprogrammed funds sa ilalim ng 2024 national budget sa ginanap na oral arguments.

Kinuwestiyon din ng mahistrado ang paglipat ng ilang pondo mula sa mga tiyak na proyekto papunta sa unprogrammed appropriations.

‍

Tinulungan ng UNTV News and Rescue ang dalawang pasyente na makauwi sa kani-kanilang bahay matapos ma-discharge mula sa ospital.

Isa sa kanila ay lalaking may sakit sa puso, habang ang isa naman ay bagong opera at nangangailangan ng tulong sa pag-uwi.

‍

Halos 25,000 indibidwal na ang naaresto dahil sa paglabag sa iba’t ibang ordinansa sa Metro Manila.

Batay sa datos ng National Capital Region Police Office, umabot na sa 24,881 ang kabuuang bilang ng mga nahuli.

Pinakamarami sa mga violator ay mga nahuling umiinom sa kalsada at naninigarilyo sa pampublikong lugar, na lumampas na sa 8,000 kaso.

‍

Nakipagpulong ang ilang miyembro ng gabinete sa mga business leader upang talakayin ang mga hakbang para mabawasan ang epekto ng patuloy na pagtaas ng presyo ng produktong petrolyo.

Aminado ang ilang negosyante na ramdam na nila ang epekto ng sunod-sunod na fuel price hike.

‍

Mas paiigtingin ng Philippine National Police ang police visibility at pagpapatrolya kasunod ng serye ng nakawan sa produktong petrolyo sa iba’t ibang lugar sa bansa.

Layunin nitong mapigilan ang paglala ng krimen at mapanatili ang kaayusan sa gitna ng usapin sa suplay ng langis.

Ayon kay PNP Public Information Office Chief PBGen. Randulf Tuaño, nananatiling kontrolado ang sitwasyon sa ngayon.

Gayunman, tiniyak niyang nakahanda ang pulisya na agad rumesponde sakaling maapektuhan ang peace and order dahil sa krisis sa langis.

‍