UNTV News and Rescue

Tuloy na ang pagharap ni dating Pangulong Rodrigo Duterte sa paglilitis ng International Criminal Court.

Sa inilabas na dokumento ng ICC, kinumpirma ng Pre-Trial Chamber I ang kasong crimes against humanity laban sa dating Pangulo na inuugnay sa war on drugs ng kanyang administrasyon.

‍

Nakatakdang umalis ngayong araw patungong Czech Republic ang high-level delegation ng Pilipinas para sa pagpapauwi kay Zaldy Co.

Kabilang sa delegasyon sina Department of Justice Secretary Fredderick Vida at Chief State Counsel Dennis Arvin Chan, kasama ang iba pang opisyal mula sa Department of Foreign Affairs at Philippine Center on Transnational Crime.

‍

Inaresto ng Philippine National Police Anti-Cybercrime Group ang isang lalaki sa aktong pagbebenta ng hindi rehistradong food supplement sa Cagayan.

Ayon sa PNP-ACG, delikado sa kalusugan ang paggamit ng mga produktong hindi dumaan sa pagsusuri ng Food and Drug Administration, kaya pinayuhan ang publiko na maging mapanuri sa binibiling gamot.

‍

Kinumpirma ng Department of Migrant Workers na dalawang overseas Filipino workers ang nasawi matapos ang hostage-taking sa Lebanon noong April 15.

Patuloy naman ang pakikipag-ugnayan ng pamahalaan sa Lebanese authorities upang matiyak ang hustisya para sa mga nasawi.

‍

Tuloy ang panghaharang ng Amerika sa mga barko sa Strait of Hormuz na may kaugnayan sa Iran kahit may umiiral na ceasefire.

Ayon sa pahayag ng US spokesperson, hindi kabilang sa mga probisyon ng ceasefire ang naturang blockade, bagay na tinututulan ng Iran.

Iginiit ng Iran na kung nais ng Amerika na muling makipagkasundo, dapat nitong itigil ang panghaharang sa mga barkong may ugnayan sa kanilang bansa.

‍