UNTV News and Rescue

Isa na namang opisyal ng US military ang umalis sa pwesto matapos i-anunsyo ni Pentagon spokesperson Sean Parnell.

Ayon sa opisyal, “effective immediately” nang umalis sa pwesto si US Navy Secretary John Phelan nitong Miyerkules, April 22, oras sa Amerika.

Papalit bilang acting secretary si Hung Cao, na dating Undersecretary ng Navy.

‍

Dismayado si Defense Secretary Gilberto Teodoro Jr. sa asal ng ilang estudyante mula sa isang unibersidad sa Maynila matapos umanong manugod sa mga sundalo ng pamahalaan.

Ayon sa kalihim, nagsasagawa lamang ng exhibit ang mga tauhan ng Philippine Air Force bilang bahagi ng kanilang anibersaryo.

Iginiit ni Teodoro na nararapat disiplinahin ng pamunuan ng unibersidad ang mga sangkot na estudyante upang mapanatili ang kredibilidad ng institusyon.

‍

Mainit na usapin ang pagkasawi ng ilang indibidwal sa engkwentro ng militar at mga rebeldeng New People’s Army sa Toboso, Negros Occidental noong Linggo, April 19.

Iginiit naman ng Philippine Army na walang nilabag na karapatang pantao ang mga miyembro ng 79th Infantry Battalion sa isinagawang operasyon.

‍

Tila na kay dating Department of Public Works and Highways Undersecretary Roberto Bernardo ang susi sa pagbusisi kung may kickback na natatanggap ang ilang opisyal ng gobyerno mula sa mga nakaraang proyekto ng DPWH.

Sa pagdinig ng Sandiganbayan, tumestigo ang driver ni Bernardo sa kasong kinahaharap ni dating Senador Ramon “Bong” Revilla Jr.

Bukod sa akusadong senador, ibinunyag din ng testigo ang pangalan nina Senator Jinggoy Estrada at resigned DPWH Secretary Manuel Bonoan kaugnay ng umano’y “kahon at maleta delivery.”

‍

Hindi apektado si Pangulong Ferdinand Marcos Jr. sa naging pahayag ng kanyang pinsan na si dating House Speaker Martin Romualdez kaugnay ng umano’y anomalya sa flood control projects.

Ayon sa Malacañang, tinukoy ni Romualdez na nasa ilalim ng command responsibility ng Executive branch ang implementasyon ng mga proyekto.

‍