UNTV News and Rescue

Umabot na sa 16 ang natanggap na petisyon ng Regional Tripartite Wages and Productivity Board upang itaas sa ₱1,200 ang daily minimum wage sa Metro Manila.

Ayon sa Department of Labor and Employment (DOLE), posibleng mailabas ang desisyon sa Hulyo.

‍

Susubukan ng Japan Airlines ang paggamit ng humanoid robots bilang baggage handlers at tagalinis ng eroplano.

Magsisimula ang trial sa susunod na buwan sa Haneda Airport sa Tokyo bilang bahagi ng modernisasyon sa airport operations.

‍

Naghahanda na ang Senado sa posibleng pag-akyat ng articles of impeachment laban kay Vice President Sara Duterte.

Ayon sa ilang senador, maaaring ituloy ang impeachment trial kahit naka-sine die adjournment dahil hiwalay ito sa regular na sesyon, bagama’t hindi pa tiyak ang timetable hangga’t hindi naipapasa ang reklamo.

‍

Hindi pinagbigyan ng Czech envoy ang hiling ni Pangulong Ferdinand Marcos Jr. na makakuha pa ng karagdagang impormasyon tungkol kay Zaldy Co.

Ayon kay Palace Press Officer Usec. Claire Castro, sinubukan ng Pangulo na humingi ng iba pang detalye sa pagbisita ng mga kinatawan ng Czech Republic at France sa Malacañang.

‍

Libo-libong manggagawa ang inaasahang magmamartsa sa Mendiola kasabay ng paggunita sa Labor Day. Panawagan nila ang pagkakaisa para sa interes ng bayan.

Samantala, magsasagawa rin ng tigil-pasada ang grupong MANIBELA upang igiit ang pagbibitiw ni Energy Sec. Sharon Garin.

‍