UNTV News and Rescue

Inihayag ng National Aeronautics and Space Administration (NASA) na lilipat na ito sa isang iterative at execution-focused approach, katulad ng kanilang ginawa noong panahon ng Apollo program.

Ayon kay NASA Administrator Jared Isaacman, kasama sa bagong estratehiya ang pag-standardize ng rocket architecture, paglalagay ng NASA expertise sa iba't ibang industriya, at pagtaas ng launch cadence upang suportahan ang tuloy-tuloy na operasyon sa buwan.

Isang projectile ang tumama sa pasilidad ng Bushehr Nuclear Power Plant ng Iran ngayong araw.

Kinumpirma ito ng International Atomic Energy Agency (IAEA), ang pandaigdigang organisasyon na nakatuon sa ligtas, maayos, at mapayapang paggamit ng teknolohiyang nuclear.

Kinumpirma ng China na nag-usap sa pamamagitan ng telepono sina Chinese Foreign Minister Wang Yi at Iranian Foreign Minister Seyed Abbas Araghchi.

Sa X post ni Chinese Ministry of Foreign Affairs spokesperson Lin Jian, sinabi nito na sa naturang pag-uusap, nanawagan si Wang Yi sa lahat ng panig na samantalahin ang bawat pagkakataon at agad na simulan ang peace talks.

Sinimulan na ngayong araw, March 25, ng House Justice Committee ang pagdinig sa dalawang reklamong impeachment laban kay Vice President Sara Duterte.

Hindi naman dumating sa pagdinig ang Bise Presidente.

Patuloy ang pamamahagi ng ayuda ng Department of Social Welfare and Development para sa mga driver na apektado ng patuloy na pagtaas ng presyo ng produktong petrolyo.

Ngayong araw, March 25, mga jeepney driver naman ang bibigyan ng P5,000 cash assistance.