UNTV News and Rescue

Sa July 29, araw ng Miyerkules, magre-resume ang impeachment trial ni Vice President Sara Duterte.

Sa ika-10 araw ng paglilitis, ihaharap ng prosekusyon ang unang dalawang testigo kaugnay ng alegasyon ng maling paggamit ng confidential funds laban sa pangalawang pangulo.

‍

Pinag-aaralan ng Land Transportation Franchising and Regulatory Board (LTFRB) ang panukalang itaas sa P15 kada litro ang fuel discount para sa mga public utility vehicle (PUV).

Samantala, hindi rin isinasantabi ng ahensya ang posibilidad na maaprubahan ang hiling na taas-pasahe sa mga jeep.

‍

Matapos ang cross-examination kay National Bureau of Investigation Director Melvin Matibag, binigyan ng pagkakataon ang senator-judges na magtanong sa testigo.

Ngunit, bukod sa mismong testimonya ng witness, may iba pang isyu na lumabas sa tanungan ng mga senador.

‍

Tiniyak ng Estados Unidos na hindi nito pababayaan ang mga kaalyado sa Southeast Asia sa kabila ng mga hamon sa Gitnang Silangan.

Sa pulong ng Association of Southeast Asian Nations (ASEAN) foreign ministers, nangako si US Secretary of State Marco Rubio na magpapatuloy ang pamumuhunan ng Amerika sa rehiyon, kabilang ang Pilipinas.

‍

Hindi babaguhin ng House Prosecution Team ang estratehiya nito sa impeachment trial ni Vice President Sara Duterte.

Ito ay sa gitna ng pagtatangka ng depensa na kuwestiyunin ang kredibilidad ng huling testigo ng prosekusyon para sa article of impeachment na may kaugnayan sa assassination plot, grave threats, at inciting to sedition.

‍