UNTV News and Rescue

Inihain sa Kamara ang House Resolution No. 911 para ipanawagan sa Marcos administration ang budget cut o pagbabawas ng pondo sa hosting ng Pilipinas sa 2026 Association of Southeast Asian Nations o ASEAN Summit.

Tiniyak ng Office of the Vice President na kaisa ang tanggapan ng bise presidente sa iba't ibang mga hakbang na ginagawa ngayon upang ibsan ang epekto ng labis na pagtaas ng presyo ng langis.

Kaugnay nito, inisa-isa ni Vice President Sara Duterte ang mga cost-cutting measures na ginagawa ng OVP sa gitna ng nararanasang krisis sa bansa.

Nakausap na kahapon ni Department of Social Welfare and Development o DSWD Secretary Rex Gatchalian ang 72-anyos na jeepney driver na si Tatay Jaime.

Muling iginiit ng DSWD na walang PUV drivers ang dapat na mapag-iwanan ng programa at lahat ng lehitimong benepisyaryo ay dapat na matulungan.

Pinag-aaralan na rin ng pamahalaan ang pagbibigay ng cash aid sa minimum wage earners at middle class depende sa available na pondo.

Ito ay matapos hilingin ng Trade Union of the Philippines o TUCP ang limang libong pisong buwanang subsidy para sa milyon-milyong manggagawa.

Nilinaw ng Malacañang na hindi agad maipatutupad ang batas na magpapahintulot sa suspensyon ng fuel excise tax.

Ayon sa palasyo, magiging epektibo lamang ang batas labinlimang araw matapos itong mailathala alinsunod sa Civil Code.