UNTV News and Rescue

“Eye for an eye.”

Ito ang babala ni Iranian Foreign Minister Abbas Araghchi kasunod ng banta ni US President Donald Trump na bobombahin ng Estados Unidos ang mga tulay, power plants, at iba pang critical infrastructure ng Iran sa bawat pag-atake ng Tehran sa mga sasakyang pandagat na dadaan sa Strait of Hormuz.

Mariing pinabulaanan ng Department of Foreign Affairs (DFA) ang mga claim ng China na bahagi umano ng provisional understanding ang pagbabawal sa pagkukumpuni sa BRP Sierra Madre sa Ayungin Shoal.

Kasabay nito, muli ring tinuligsa ni Defense Secretary Gilberto Teodoro ang patuloy na panghihimasok at pananakot ng Beijing sa loob ng ating teritoryo.

Iimbestigahan ng National Bureau of Investigation ang umano’y mga online threats at comments laban kay Senator Risa Hontiveros.

Ayon kay NBI Director Melvin Matibag, hinihintay na lamang nila ang formal documentation hinggil dito.

Gayunman, sinimulan na umano nila ang pagsisiyasat tungkol sa banta laban sa senadora.

Umaasa si Ombudsman Crispin Remulla na darating ang panahon na hindi na kakailanganin ang Office of the Ombudsman na magpanagot sa mga public official na nasasangkot sa katiwalian sa bansa.

Ito ang pinakamalaking hangarin ng Ombudsman sa gitna ng kanilang patuloy na laban kontra korapsyon.

Pinasasagot ng Sandiganbayan Third Division ang kampo ni Senator Rodante Marcoleta sa loob ng 10 araw.

Ito ay upang ipaliwanag kung bakit hindi dapat mapasailalim sa preventive suspension bilang kasalukuyang miyembro ng Senado.