UNTV News and Rescue

Iginiit ni Defense Sec. Gilbert Teodoro na lehitimong operasyon ng militar ang mga engkwentrong naganap sa Toboso at Cauayan, Negros Occidental noong April 19 at May 16.

Kasabay nito, sinabi rin ng kalihim na hindi bukas ang pamahalaan sa anumang peace talks sa mga rebeldeng grupo sa kasalukuyan.

Itinanggi ng minority bloc sa Senado ang mga haka-hakang may plano o kasunduan para amyendahan ang Konstitusyon kasabay ng usapin ng pagpapalit ng liderato sa mataas na kapulungan.

Ito ay matapos ihayag ng minority bloc ang buong suporta nito kay Senator Sherwin Gatchalian para maging susunod na Senate President.

Naniniwala si Sen. Sherwin Gatchalian na kinakailangan ang kooperasyon ng lahat ng senador upang maibalik ang magandang imahe ng Senado sa gitna ng mga usapin kaugnay sa posibleng muling pagpapalit ng liderato sa kamara.

Ayon kay Gatchalian, mahalaga ang pagkakaisa at maayos na pagtutulungan ng mga mambabatas upang mapanatili ang tiwala ng publiko sa institusyon.

Tatlo na ang kumpirmadong nasawi matapos gumuho ang isang ginagawang gusali sa Angeles City, Pampanga.

Patuloy naman ang search and rescue operations ng mga awtoridad para sa iba pang posibleng na-trap sa loob ng bumagsak na istruktura.

Binisita ni Pangulong Ferdinand Marcos Jr. ang mga residenteng nawalan ng tirahan matapos ang sunog sa Parola Compound sa Delpan, Binondo noong Sabado.

Nagbigay rin ng direktiba ang Pangulo para agarang matulungan ang mga residenteng naapektuhan ng pagguho sa Angeles, Pampanga, kabilang ang paglalaan ng kinakailangang ayuda at suporta mula sa pamahalaan.