UNTV News and Rescue

- Pangulong Ferdinand Marcos Jr., inatasan ang Department of Social Welfare and Development (DSWD) na agad magbigay ng tulong sa mga biktima ng pagguho ng gusali sa Angeles at sa mga residenteng naapektuhan ng sunog sa Binondo, Manila

- Umano’y pagsusulong ng Charter change bilang dahilan sa napapabalitang palit-liderato sa Senado, itinanggi ng Senate minority

- Tatlo, kumpirmadong nasawi sa gumuhong gusali sa Angeles City, Pampanga; rescue teams ng pulisya, idineploy para sa search and rescue operations

Iginiit ni Defense Sec. Gilbert Teodoro na lehitimong operasyon ng militar ang mga engkwentrong naganap sa Toboso at Cauayan, Negros Occidental noong April 19 at May 16.

Kasabay nito, sinabi rin ng kalihim na hindi bukas ang pamahalaan sa anumang peace talks sa mga rebeldeng grupo sa kasalukuyan.

Itinanggi ng minority bloc sa Senado ang mga haka-hakang may plano o kasunduan para amyendahan ang Konstitusyon kasabay ng usapin ng pagpapalit ng liderato sa mataas na kapulungan.

Ito ay matapos ihayag ng minority bloc ang buong suporta nito kay Senator Sherwin Gatchalian para maging susunod na Senate President.

Naniniwala si Sen. Sherwin Gatchalian na kinakailangan ang kooperasyon ng lahat ng senador upang maibalik ang magandang imahe ng Senado sa gitna ng mga usapin kaugnay sa posibleng muling pagpapalit ng liderato sa kamara.

Ayon kay Gatchalian, mahalaga ang pagkakaisa at maayos na pagtutulungan ng mga mambabatas upang mapanatili ang tiwala ng publiko sa institusyon.

Tatlo na ang kumpirmadong nasawi matapos gumuho ang isang ginagawang gusali sa Angeles City, Pampanga.

Patuloy naman ang search and rescue operations ng mga awtoridad para sa iba pang posibleng na-trap sa loob ng bumagsak na istruktura.