UNTV News and Rescue

Ininspeksyon ni Pangulong Ferdinand Marcos Jr. ang newly rehabilitated Sunog Apog pumping station sa Maynila bilang bahagi ng paghahanda ng pamahalaan sa nalalapit na tag-ulan at posibleng pagbaha.

Kasunod nito, binisita rin ng Pangulo ang mga residenteng naapektuhan ng sunog sa Binondo upang personal na alamin ang kanilang kalagayan at pangangailangan.

Humiling ang Office of the Ombudsman sa Sandiganbayan na magpalabas ng precautionary hold departure order laban kina Senator Rodante Marcoleta at dating Congressman Mike Defensor.

Kabilang din sa hinihiling na mapasailalim sa PHDO ang mga negosyanteng sina Joseph Espiritu at Aristotle Viray.

Iginiit ni Senator Risa Hontiveros na nananatiling buo at solid ang 11 miyembro ng Minority bloc sa gitna ng usapin tungkol sa posibleng pagpapalit ng liderato sa Senado.

Kasabay nito, sinabi rin ng senador na walang pakikialam ang Malacañang sa isyu ng Senate leadership.

Lumutang din ang mga usapin kaugnay sa posibleng pagbabago sa rules ng Senado upang payagan ang online voting.

Walang magiging epekto sa ICC case ni dating Pangulong Rodrigo Duterte ang umano’y pagtakas ni Sen. Ronald dela Rosa, ayon kay International Criminal Court Assistant to Counsel Atty. Kristina Conti.

Sinabi rin ni Conti na nakasalalay sa magiging resulta ng imbestigasyon ang posibleng pananagutan ni Sen. Robin Padilla kaugnay sa umano’y pagtulong kay Dela Rosa.

- Pangulong Ferdinand Marcos Jr., inatasan ang Department of Social Welfare and Development (DSWD) na agad magbigay ng tulong sa mga biktima ng pagguho ng gusali sa Angeles at sa mga residenteng naapektuhan ng sunog sa Binondo, Manila

- Umano’y pagsusulong ng Charter change bilang dahilan sa napapabalitang palit-liderato sa Senado, itinanggi ng Senate minority

- Tatlo, kumpirmadong nasawi sa gumuhong gusali sa Angeles City, Pampanga; rescue teams ng pulisya, idineploy para sa search and rescue operations