UNTV News and Rescue

Pinabulaanan ng Iran na humingi ito ng usaping pangkapayapaan sa Amerika.

Ayon kay Iranian Foreign Affairs Minister Seyed Abbas Araghchi, layon nitong kontrahin ang pahayag ni US President Donald Trump.

Samantala, nagsunod-sunod ang pag-atake sa mga bansa sa Middle East matapos muling magbanta ng pagganti ang Iran dahil sa pag-atake ng US sa Kharg Island.

‍

Pansamantalang sinuspinde ang flights sa Dubai Airport ngayong Lunes, March 16, matapos sumiklab ang sunog sa isang bahagi nito.

Ayon sa mga awtoridad, isang drone ang bumagsak sa fuel depot ng Dubai International Airport, ang pinaka-busy sa lahat ng mga paliparan sa Middle East.

‍

Handa na ang Philippine National Police sa ipatutupad na seguridad para sa paparating na mahabang bakasyon. Sa katunayan, itataas sa heightened alert status ang buong puwersa ng pambansang pulisya sa huling linggo ng Marso na magtatagal hanggang katapusan ng buwan ng Mayo.

‍

Kailangang planuhing mabuti ng pamahalaan ang pangungutang at paggastos ng pondo, lalo na sa gitna ng problemang kinakaharap ng bansa dahil sa gulo sa Gitnang Silangan.

Ayon sa isang ekonomista, kahit paano ay makakatulong sa Pilipinas ang na-aprubahang loan sa World Bank na nagkakahalaga ng US$800-M o mahigit P47-B.

‍

Bukas ang Strait of Hormuz sa lahat ng bansa maliban sa Amerika at mga kaalyado nito.

Ito ang pahayag ng Iranian Foreign Ministry kasunod ng panawagan ni US President Donald Trump ng tulong mula sa ibang bansa para mabuksan ang paglalayag sa nasabing shipping lane.

Samantala, tila wala pa ni isang bansa ang tumutugon sa panawagan ni Trump.

‍